Kulturmidlar

Stipendet skal øyremerkast einskildpersonar, born/ungdom frå Vik kommune i alderen 15 – 30 år som har eit spesielt talent, syner god kvalitativ utvikling og legg ned stor innsats for å utvikla sin dugleik i ein sektor av eit vidt kulturomgrep

Same person kan få stipend i fleire år

Politikarane i Vik kommune vurderer om heile stipendet skal fordelast kvart år, om det skal delast på fleire eller kor stor sum søkjar/ane skal få. Dersom det ikkje er kvalifiserte søkjarar til stipendet, kan utvalet la vera å dela ut. Utvalet kan og sjølve fremja kandidatar til kulturstipendet.

Lotteri- og stiftelsestilsynet forvaltar ei ny tilskotsordning som skal leggje til rette for auka deltaking i  idrett og fysisk aktivitet for alle barn og unge. 

Det blir gitt tilskot til prosjekt eller eingongsutgifter. 

Det er frivillige lag og organisasjonar og kommunale fritidsklubbar eller ungdomshus som kan søkje tilskot. Idrett og fysisk aktivitet kan være både organisert idrett, eigenorganisert idrett og fysisk aktivitet, som til dømes friluftsliv.

Tiltaka skal rette seg mot målgruppene for ordninga:

-Barn og ungdom frå 6-19 år i familiar med vedvarande låg inntekt.
-Jenter med minoritetsbakgrunn frå 6 til 19 år, og jenter frå 6 til 19 år generelt i samanhengar der jenter er underrepresentert eller opplever særskilte barrierar.
-Personar med funksjonsnedsetting. Denne målgruppa er ikkje aldersavgrensa.
-Nåverande og framtidige unge leiarar og trenarar, opp til 26 år, som er jenter/kvinner, personar med funksjonsnedsetting eller personar med minoritetsbakgrunn.

Les meir om regelverket for ordninga og send søknad på Lotteri- og stiftelsestilsynet sine nettsider

Vik kommune får årleg inntekter frå vasskrafta i kommunen gjennom konsesjonsavgifter som vert satt på eit fond – kraftfondet. Fondet skal, i følgje vedtektene, nyttast til å fremja etablering av ny næringsverksemd og vidareutvikling av
konsesjonsavgifter som vert satt på eit fond – kraftfondet. 

Frå kraftfondet gjev Vik kommune tilskot til næringstiltak som:

• Skapar nye arbeidsplassar, enten ved etablering av nye verksemder eller ved utvikling av eksisterande verksemder.
• Trygger eksisterande arbeidsplassar.
• Aukar produksjonen i landbruket
• Aukar bulyst og omdømme til kommunen gjennom utvikling i bygdene.
  
  
  

Det vert gjeve fire ulike typar tilskot:

• Oppstarts- og opplæringstilskot
  Tilskot til nyetablering, kurs og kompetanseheving, tilsetting av lærlingar og
  traineear i nye stillingar. Slike tilskot vil ha mindre krav til søknad,
  handsaming og rapportering enn store prosjekt.
• Prosjekttilskot
  Tilskot til investeringar i næringsbygg, produktutvikling, driftsmidlar og
  liknande. Vik kommune er positive til god idéar og satsingar i kommunen og
  ynskjer å bidra til at dei rette idéane vert realiserte.
• Bygdeutvikling og omdømebygging
  Tilskot til arrangement og andre tiltak som bidreg auka til bulyst og
  omdømme.
• Landbrukstilskot
  Særlege tilskot til landbruk.
  
  
  
  
  

Korleis søkje
Søknad sendast til
 Landbruksstøtte: postmottak@vik.kommune.no
 Alle andre søknader: Søk på www.regionalforvaltning.no

Ein godt gjennomarbeida søknad er viktig for sakshandsaminga.

Søknaden må minimum innehalde:
1. Informasjon om søkjar
2. Skildring av verksemda og tiltaket.
3. Budsjett med finansieringsplan.
4. Plan for gjennomføring av tiltak

Les meir om tilskotet på vik.kommune.no