LTU - lokal transportordning for ungdom

Føremål med tilskotsordninga
Ordninga skal vere eit verkemiddel for lag og organisasjonar til å gje barn og unge høve til deltaking og inkludering på viktige sosiale arenaer, som fritidsaktivitetar, uavhengig av foreldra sin inntekt og sosiale situasjon. Det er eit tiltak som skal vere med på å førebyggje og/eller dempe konsekvensar av fattigdom.

Kven kan søkje?
Frivillige lag og organisasjonar som har tapte inntekter knytt til manglande innbetaling av medlemskontingent og/eller treningsavgift frå barn og unge i målgruppa.

Tilskot vert ikkje prioritert til tiltak som er drive på forretningsmessig basis. Det er kulturkontoret som administrerer ordninga.

Søknadsfrist og søknadsskjema
Søknad om tilskot skal sendast elektronisk til Fjaler kommune innan 15. juni. 

https://www.fjaler.kommune.no/sd/skjema/FKO084/

Kommunar, idrettslag og andre samanslutningar kan søkje om spelemidlar til idrettsanlegg. Spelemidlar skal medverke til at ein større del av befolkninga får høve til å drive idrett og fysisk aktivitet.

Det kan søkjast om tilskot til:
nybygg og rehabilitering av anlegg for organisert idrett
rehabilitering av idretts- og friluftsanlegg
nærmiljøanlegg (utandørsanlegg for fysiske aktivitetar i tilknyting til buområde)

 
For idrettsanlegg med tilskot av spelemidlar gjeld:
anlegget skal ikkje drivast på kommersiell basis
anlegget må vere med i ein vedtatt kommunal plan for idrett og fysisk aktivitet.
anlegget skal ha universell utforming

Les meir om ordninga på kommunens hjemmesider:

https://www.fjaler.kommune.no/tenester/kultur-idrett-og-fritid/spelemidlar-til-idrettsanlegg/

Føremålet med Fjalerprisen er å gje honnør for særleg innsats til beste for kommunen og å setje fokus på nyskaping, openheit og inkludering. Prisen kan delast ut annakvart år og består av eit kunstverk og prispengar på kroner 15 000. Det er sett ned ei nemnd som vurderer innkomne og eigne forslag. Formannskapet avgjer om prisen skal utdelast.

Kandidatane skal i tråd med føremåla ha:
-Profilert Fjaler kommune på ein positiv måte 
-Bidrege særskilt til å utvikle Fjalersamfunnet 
-Bidrege særskilt til marknadsføring av Fjaler kommune 
-Ytt ei ekstra innsats for å fremje nemnde verdiar

Send skriftleg og grunngjeve forslag til: 
Fjaler Kulturkontor
Dalstunet 20
6963 Dale i Sunnfjord

Epost: ingeborg.tysnes@fjaler.kommune.no / tlf. 57 73 80 44

Forslag på kandidatar må vera oss i hende innan 10. november 2022/2024/2026....